الشاف المتألقة عفاف والتي شاهدناها كثيرا عبر شاشة التلفاز كانت ضيفتنا في فقرة سؤال وجواب .. فتحت لنا قلبها وأجابت على أسئلتنا المطروحة لها.
01 علاش خيرتي الصحافة ؟
الصحافة مجال جد رائع يخلينا دايمن متواصلين مع العالم الخارجي لأنه بواسطتها نقدر نتواصل مع جمهوري ونوصل أفكاري وإبداعاتي للغير
02 و علاه بالضبط ميدان الطبخ ؟
لأن هذا المجال كان حلمي منذ الصغر وكنت شغوفة جدا أني نتعرف على هذا الميدان الواسع الذي استهواني جدا كونو فن من فنون يتسم بالرقي والمثالية
03 شحال في عمرك ؟
في عمري 28 سنة
04 وش حققتي في حياتك حتى لدوكا ؟
حققت الكثير من الإنجازات في مجال الطبخ وعالم الحلويات وهذا يعتبر مجرد نقطة في بحر بالنسبة لهذا المجال لانو مجال الطبخ والحلويات كثير واسع
05 وش هي أصعب حاجة واجهتيها ؟
في هذا المجال نواجهو الكثير من الصعوبات و المنافسة فيه قوية وباش تنجح فيه لازم تكون متمكن
06 هل طموحك يتوقف على واش راكي ديري دوكا ؟
طبعا لا لأني لازلت في بداية الطريق لتحقيق باقي طموحاتي ونأمل أني نشرف المطبخ الجزائري
07 أكثر حاجة تحبيها و أكثر حاجة ما تحبيهاش ؟
نحب الشخص المتفاني في مهنتة ويحب دائما ويطورها ويبدع فيها
08 جمهورك يحب يعرف عليك بززاف تفاصيل هذا الأمر تتقبلب بيه ولا لا ؟
بالعكس هذي الحاجة متقلقنيش وتفرحني وهذا دليل على إهتمامهم وحبهم ليا وتقديرهم لمجهوداتي
09 عندك اسم وحدوخر في الدار ولا لا ؟
لالا
10 ممكن تقولينا على أعمالك المستقبلية ؟
عندي عدة مشاريع وعدة تربصات مستقبلية أخرى وكلها راح في تساهم في إحياء الأطباق والحلويات التقليدية والتعريف بالمطبخ الجزائري ولي راح يكشف عليها المستقبل
11 لوكان يقولولك تخدمي في قناة خارج الجزائر حصة طبخ معروفة ركن متعلق بالطبخ الجزائري تقبلي ولا لا ؟
هذا شرف ليا اني نعرف بالمطبخ التقليدي والتراث الجزائري ونكون سفيرة لبلادي خارج الوطن.
شكرا لك شاف عفاف ونتمنى لك التوفيق .
