الأنستغراموز ياسمين بلقاسم تعلن ررسميا طلاقها من زوجها إسلام وكتبت عبر حسابها :

“كل بداية ولها نهاية والحب وحدو ما يكفيش تم الطلاق رسميا بيني وبين اسلام … الطلاق ما عندوش علاقة بالخيانة بسك كاين بعض الناس كي يشوفو زوج اطلقو يربطو الامر ديراكت بالخيانة الانفصال تم الأمور اخرى تماما وتراكمات نعرفوها غير انا وياه انا اعلنت باش ماتزيدوش تربطونا مع بعض في أي حاجة ابتداءً من اليوم !”

“و مارانيش رح نقول تفاصيل لحتى مخلوق لمدة ست سنوات زواج ولا مخلوق على وجه الارض كنت تحكيلو مشاكلنا وكيما كنت دايما نوصيكم . كنت دايما دايرة دور الزوجة الفحلة اللي ما تخرجش اسرار دارها وتحاول انها دائما تصلح و ترمم وتسقم وتتنازل وتضحي باش العلاقة تمشي كيما أي مرا فحلة !
لكن الله غالب كل انسان عندو طاقة لازم يحترمها سينو يدخل زنقة الهبال ! … هذا لا يعني انو هو انسان ماشي مليح ولا انا ماشي مليحة لا لكن المكتوب خلاص بيناتنا ، انا تعلمت دروسي وانتهى
القرار كان متفق عليه بيني وبينو .. وانا اعلنت ماشي باش ندير البوز كيما راني نقرى خاطر لوكان عيني فالبوز عندي بزاااف حاجات ندير بيهم البوز غير هاذ الحكاية انا اعلنت لأنو كيما الزواج اعلان ، الطلاق ثاني اعلان !”